«Մխիթար Սեբաստացի» կրթահամալիրի քոլեջ
Դիպլոմային նախագծեր
2018-2019
Դիպլոմային նախագծերի պաշտպանության նկարագրություն
Դիպլոմային պաշտպանության օրը՝ հունիսի 24, ժամը՝ 10:00-12:30
Նախագծեր
Ծիսական կերակուրներ
Արփինե Ադամյանը դիպլոմային նախագծի ընթացքում ներկայացնում է Զատկական խոհանոցը:Զատկի սեղանի պատվելի ծիսական կերակուրներից չամչով փլավը , տապակած կանաչին, ձուկը,ներկած ձուն:
Պատրաստվում ենք Ծառզարդարին
Սաիդա Ծատրյանը դիպլոմային նախագծի ընթացքը ներկայացնում է տեսանյութով.
Արևմտյան դպրոց-պարտեզ
Թումանյանի «Ճամփորդները» Գորիսի բարբառով և տեխնոլոգիական նախագծով- Սաիդա Ծատրյան և արևմտյան դպրոց-պարտեզի սաներ.
Երկրագործական աշխատանք- վարդատունկ
Գևորգ Հազարումյանի դիպլոմային նախագծի ընթացքից:
Արևմտյան դպրոց-պարտեզի 2-4 տարեկանների խմբի հետ իրականացրինք երկրագործական աշխատանքներ, մեզ հատկացված տարածքը նախապես խնամեցինք, փխրեցրինք հողը, տնկեցինք վարդի տնկիներ, ջրեցինք:
Մացածը՝ տեսանյութում.
Բարեկենդանյան ուրախ դիմակներ
Լիլիթ Ավագյան
Հաճույքով եմ աշխատում կրթահամալիրում, խմբում…. ինձ դուր է գալիս այստեղ տիրող ջերմ մթնոլորտը:
Այսօր նախակրթարանում ուրախ երգ-պարային մթնոլորտ էր: Տիկին Մարինեն, Զատկին ընդառաջ, սովորեցնում էր « Գնացեք տեսեք», «Զարկ բոլոճիկ», «Կարկաչա» երգերը: Իհարկե, 2-4 տարեկանները չեն կարող կանգնել և մեծի պես երգել , սակայն ամեն ինչ ունի իր մեթոդը, և այս դեպքում էլ խաղն օգնեց մեզ: Երեխաները հագել էին բարեկենդանյան դիմակներ, ու բոլորս միասին խաղացինք «Գնացեք տեսեք» երգը. մեկն այծ էր, մեկը՝ գայլ, մյուսը՝ արջ և այլն: Առանց խաղի այս տարիքի երեխաներին ոչինչ հնարավոր չէ սովորեցնել: Այնուհետև մեզ միացավ նախակրթարանի մյուս խումբը, և միասին սովորեցինք ու երգեցինք «Զարկ բոլոճիկ» ու «Կարկաչա» երգերը:
Տեսանյութ՝
Չիք-չիք…. ի՞նչը չիք…
Շրջանավարտ Լիլիթ Ավագյանը պատմում է՝ ծիսական տիկնիկն ու 2-4 տարեկանները.
Այս շաբաթ երեխաները ծանոթացան ծիսական տիկնիկ Ակլատիզին, իսկ ի՞նչ է իրենից ներկայացնում դա:
Մի փոքր պատմեմ այդ մասին. հայկական մշակույթի ամենագեղեցիկ, խորհրդանշական և խորհրդավոր արժեքներից են հայոց ծիսական տիկնիկները: Ժողովուրդը նրանց օժտել է մոգական ուժով, չարը խափանող, վտանգից ու չարից զերծ պահող հատկություններով: Ակլատիզը կամ Պաս պապը Մեծ պասի ծիսական տիկնիկն է: Տիկնիկը իրենից ներկայացնում էր մի սոխ (կարտոֆիլ, խմորագունդ), վրան յոթ փետուր խրած: Դրանք խորհրդանշում էին պասի յոթ շաբաթները: Շաբաթը լրանալուն պես մի փետուրը հանում էին: Սոխի վրա խրում էին միոտանի տիկնիկին`պատրաստված փայտից, բեղ-մորուքով, հագին`տղամարդու շորեր, աջ ու ձախ պարզած թևերից քարեր կախած: Ամբողջ ընթացքում նա հսկում էր, որ ընտանիքում ոչ ոք չխախտեր պասը: Հակառակ դեպքում պատիժը չէր ուշանա` նա քարերով կհարվածեր պասը խախտողին, կամ էլ կծու պղպեղով կվառեր նրա բերանը: Պասի վերջին օրը` վերջին փետուրը հանելուց հետո, երիտասարդները Ակլատիզին տանում էին կալերը և չարախնդալով, դագանակով հարվածելով՝ ջուրն էին գցում: Ըստ ժողովրդական պատկերացումների՝ Ակլատիզը թռչուն է դառնում, թռչում գնում է մյուս տարի կրկին վերադառնալու համար:
Երեխաներին ծանոթացնելով այդ կախարդական տիկնիկի հետ` խաղացինք այսպիսի մի խաղ: Սաներն Ակլատիզ պապին իրենց ցանկությունններն էին ասում, որպեսզի նա «չիկ» անի, այսինքն ոչնչացնի մեկի լացը, մյուսի անկարգությունը և այլն:
Նախագծի երկրորդ փուլը. օր առաջին
Պատմում է շրջանավարտ Անահիտ Ղազարյանը.
Հաճախեցինք Քոլեջի 5-6 տարեկանների խումբ: Դաստիարակներ՝ Անահիտ Գրիգորյան,Լիլիա Զախարյան: Օրն սկսեցինք մարզական պարապմունքով, մարզական ճկուն խաղերով և գլուխկոնծի տալով:
Մարզական պարապմունքից հետո երգեցինք հայկական ծիսական երգեր, որպեսզի մատչելի և հասանելի լինի երեխաներին այդ երգերի իմաստն ու բովանդակությունը, ներկայացրինք խաղի տեսքով: Հին ծիսական երգերը, երեխայի մեջ զարգացնում են սերը դեպի ազգային ակունքներ, վերադարձ դեպի ազգային արմատներ: Երեխան սիրելով և սովորելով ազգայինը՝ տանում է տուն, մատուցում տան անդամներին: Այսպիսով, յուրաքանչյուր երեխա եթե տուն տանի և մատուցի մանկապարտեզի գիտելիքը, սերը դեպի մեր ազգայինը, ծիսական երգերը, սերը դեպի ազգային արմատները և ակունքները, այն կպահպանվի և չի մոռացվի: Ծիսական երգերը ներկայացնելով խաղի միջոցով՝ նպաստում է նաև այն բանին, որ զարգանա երեխայի երևակայությունը, երեխանունենա վառ պատկերացում, անսահման մտքի թռիչք:
Երգի պարապմունք Մարինե Մկրտչյան երգեցինք և խաղացինք՝ Մամի—մամի, Այլիհո, Հինգ էծ ունեմ, Գնացեք տեսեք: Մասնակցեցինք նաև ռիթմիկա զարգացնող խաղին: Տեխնոլոգիա: Թամար Հարությունյան:
Պատրաստեցինք ծիսական դիմակներ՝ գայլի, արջի, այծի, նապաստակի, աղվեսի: Դիմակները կարող ենք օգտագործել՝ «Գացեք տեսեք» երգի մեջ, խաղի ժամանակ:
